蔣友柏桑！烏G桑ka汝「拍拍手」！－因為汝這次的言行，我鎖在腦海中，真早就想欲寫的１篇『我所知也的蔣孝勇』（我和lim阿爸是初中頂下屆的同窗），先暫時按下啦！加油而且祝福汝！



　蔣友柏這番公開企出來講：「蔣家人曾經迫害台灣人」真正是台灣人時常互相摳洗漏氣的孽憩仔話：「歹竹出好筍」的典型。


單就這句真無簡單的話－我認為：伊必竟是１個有擔當、有勇氣、有懺悔心的少年家。照咬舌的華語講，就是『好樣的』。

一、依照人情義理，除了上愛講白賊、上愛面子結果顛倒時常捧屎糊面的中國人以外，全世界的人類攏是老老實實面對所犯的過錯－包括對先人。上濟的方法－至多是選擇惦惦而已。


二、我會通理解伊為何欲焉爾公開跳出來批判伊的阿祖、祖嬤、阿公、甚至伊的老爸、老母。因為，伊必竟有淡薄也西洋種，ma大部份受西方的教育。伊瞭解『Honesty is the best power!』伊知也紙未包得火。

三、伊絕對是講出心內話，１點也攏無『胡說八道』。


我相信：蔣友柏所謂的『迫害台灣人』，真有可能是－伊在海外有專工，抑是無意中在怹兜暗槓的保險箱，有揣著真濟真實在的檔案和資料。譬如２２８、白色恐怖等等。


照焉爾的推論，蔣友柏在批判家己的先人近前，一定若『青瞑仔食圓仔－有在算』頭殼真清楚、真明白，２２８先著鎗的是台灣人！２２８是１種對人民高壓、殘忍的迫害，毋是武力叛變；血流成河詎毋是人間上酷刑的「災禍」呢？雖罔有人硬欲辯解：彼個時陣，蔣家２爸仔囝攏猶未來台灣，講１句較笑詼的比喻：大流氓頭欲殺人放火，詎有須要親自盤山過海？甚至，欲強姦查某，ma是細漢的去誘拐強掠來，伊只要負責褪褲。上重要的是－好汝佳哉！２２８無予台灣人滅種，若是真正hiah爾梟刑？照天理報應的不變道理－蔣友柏怹某ma會去加入怹蔣家的『寡婦俱樂部』。毋纔講，我會通位蔣友柏的人生經歷來體會伊今日的『大擔當、大勇氣、大懺悔』。


亦若是，『蔣光頭』及『酒精國』在台灣的白色恐怖當中，予怹槍殺的有包括『外星人（諧音）』，這毋免去請教任何人和任何官方記錄，這是事實！因為怹早就講：『寧可錯殺１０００，毋通漏殺１個』用比較殺台灣人較濟？抑是殺『外星人』較濟？這真正是stupid！


蔣友柏桑！烏G桑ka汝「拍拍手」！－因為汝這次的言行，我鎖在腦海中，真早就想欲寫的１篇『我所知也的蔣孝勇』（我和lim阿爸是初中頂下屆的同窗），先暫時按下啦！加油而且祝福汝！